FAIGH EOLAS FAOIN TSEIRBHÍS PHOIBLÍ, AN FOSTÓIR IS MÓ IN ÉIRINN
ACMHAINNÍ DO MHÚINTEOIRÍ AGUS DO THREOIRCHOMHAIRLEOIRÍ
Anseo, gheobhaidh tú gach ní atá ag teastáil uait chun tacaíocht a thabhairt do do dhaltaí agus iniúchadh á dhéanamh acu ar an earnáil phoiblí agus ar na gairmeacha a mbeidh siad in ann teacht orthu - agus tá gach ní in aon rannán amháin. Tá neart pointí foghlama ar fáil sa phacáiste acmhainní nua-athchóirithe seo do ranganna Idirbhliana, ATF agus GCAT chun an earnáil phoiblí a shoiléiriú ar bhealach spraíúil, áisiúil agus tarraingteach.
AN CHAOI A N-OIBRÍONN SÉ
Díríonn gach plean ceachta ar thopaic ar leith a bhaineann le gairmeacha san earnáil phoiblí agus tá na nithe seo a leanas san áireamh:
- Sleamhnáin PowerPoint don Seomra Ranga
- Treoracha Ceachta do Mhúinteoirí
- Bileoga oibre agus gníomhaíochtaí do Dhaltaí
- Freagraí na mBileog Oibre don Mhúinteoir (más cuí)
- Íoslódáil an Treoir do Mhúinteoirí maidir le hAcmhainní
Molann muid do mhúinteoirí úsáid a bhaint as an bplean ceachta dar teideal ‘Buneolas faoin Earnáil Phoiblí’ ar dtús. Ina dhiaidh sin, is féidir leat acmhainní a roghnú agus úsáid a bhaint astu chun freastal ar riachtanais do ranga. Is féidir leat ár dTreoir maidir le hAcmhainní a íoslódáil anseo chun achoimre a fháil ar ábhar na gceachtanna.
Mar chuid de na ceachtanna, beidh an deis agatsa agus ag do dhaltaí scrúdú a dhéanamh ar ghairmeacha éagsúla san earnáil phoiblí ar féidir úsaid a bhaint astu sa Chur i Láthair, comórtas físe iontach, ina gcuireann daltaí gairmeacha san earnáil phoiblí chun cinn mar chonair ghairme shuimiúl, ina bhfuil éagsúlacht, dá bpiaraí, chun dul san iomaíocht chun roinnt duaiseanna iontacha a bhuachan!
Is féidir gach plean ceachta a íoslódáil thíos.
GRÚPAÍ IDIRBHLIANA
Tuigeann muid go mbeidh spriocanna foghlama agus sprioc-amanna ar leith ag ranganna éagsúla. Maidir le grúpaí Idirbhliana, mholfaimis go mbeadh daltaí in ann úsáid a bhaint as an suíomh seo chun foghlaim faoin earnáil phoiblí ar bhealach féinstiúrtha. D’fhéadfadh daltaí obair a dhéanamh ina n-aonar nó i ngrúpaí chun páirt a ghlacadh sa Chur i Láthair: Comórtas Margaíochta do Scoileanna ansin ionas go mbeidís in ann an méid a d’fhoghlaim siad a léiriú – agus bheadh an deis acu duaiseanna breátha a bhuachan chomh maith!
CLÁRÚ ar ár liostaí seachadta thíos agus faigh an t-eolas is déanaí faoi acmhainní agus faoin gCur i Láthair - Comórtas Fógraíochta PublicJobs.ie do Scoileanna
NA PLEANANNA CEACHTA
BUNEOLAS FAOIN EARNÁIL PHOIBLÍ
Mar achoimre ar an earnáil phoiblí, déanfaidh daltaí scrúdú ar an earnáil phoiblí agus ar an earnáil phríobháideach, ar fho-earnálacha laistigh den earnáil phoiblí, agus ar an gcaoi ar féidir úsáid a bhaint as CareersPortal.ie chun róil san earnáil phoiblí a chuardach.
CONAIRÍ GAIRME SAN EARNÁIL PHOIBLÍ
Sa cheacht seo, foghlaimeoidh daltaí faoi phointí iontrála do chonairí gairme, na conairí dul chun cinn agus an grádlathas sa státseirbhís, agus déanfaidh siad imscrúdú ar ról san earnáil phoiblí.
CUIR AITHNE AR JACOB
Sa cheacht seo, déanfar achoimre ar eolas a clúdaíodh sna ceachtanna roimhe seo trí úsáid a bhaint as fíorscéal agus pléifidh daltaí físeán ina roinneann fostaí san earnáil phoiblí a scéal leo.
CUIR AITHNE AR JULIANA
Sa cheacht seo, déanfar achoimre ar eolas a clúdaíodh sna ceachtanna roimhe seo trí úsáid a bhaint as fíorscéal agus pléifidh daltaí físeán ina roinneann fostaí san earnáil phoiblí a scéal leo.
Má tá aiseolas ar bith agat i dtaca leis an gcaoi ar féidir linn ár n-ábhar a fheabhsú, nó má tá ceisteanna agat, seol ríomhphost chuig
AN CUR I LÁTHAIR: COMÓRTAS MARGAÍOCHTA DO MHEÁNSCOILEANNA
OSCAILT ANOIS!
Nuair atá leibhéal ar leith muiníne ag daltaí i dtaca leis an earnáil phoiblí agus na deiseanna gairme atá ar fáil inti, ba bhreá linn an deis a thabhairt dóibh an méid a d’fhoghlaim siad a chur i bhfeidhm. Comórtas margaíochta spraíúil a bheidh in ‘An Cur i Láthair’, ina mbeidh daltaí in ann leas a bhaint as a gcruthaitheacht agus scileanna atá oiriúnach don 21ú haois a fhoghlaim ag an am céanna. An dúshlán a bheidh roimh dhaltaí sa chomórtas ná go mbeidh orthu físeán a chruthú chun an earnáil a léiriú dá bpiaraí mar chonair ghairme ina bhfuil éagsúlacht le brath. Is féidir le Múinteoirí agus Treoirchomhairleoirí tuilleadh eolais a fháil faoi ‘An Cur i Láthair’ trí chlárú dár liosta seachadta agus coimeádfaimid ar an eolas thú i dtaca le dátaí tábhachtacha agus eolas tábhachtach.
Aiseolas
Ba bhreá linn aiseolas a fháil uait faoinár n-acmhainní. Tabhair aiseolas dúinn faoi na rudaí a bhfuil tú sásta leo nó faoi rudaí sa bhreis ar chóir dúinn cur leis na hacmhainní, dar leat. Is féidir leat aiseolas a sheoladh chugainn trí mheán an ríomphoist, nó más mian leat dul i dteagmháil linn faoin gCur i Láthair, táimid ar fáil ag
CEISTEANNA COITIANTA DO MHÚINTEOIRÍ
1. Cad í an earnáil phoiblí?
Agus muid ag féachaint ar earnálacha gairme, tá sé tábhachtach a thuiscint go mbíonn a lán gairmeacha ar fáil san Earnáil Phoiblí agus san Earnáil Phríobháideach araon.
Cad é, a deir tú, an difear idir an dá earnáil seo?
Tá eagraíochtaí a stiúrann an Rialtas mar chuid den earnáil ar a dtugtar an Earnáil Phoiblí. Tá daoine ó chúlraí éagsúla san earnáil phoiblí agus oibríonn siad le chéile chun seirbhísí poiblí a chur ar fáil do mhuintir na hÉireann. Tugann muid moltaí agus cabhair i dtaca le Ranna Rialtais, hÚdaráis Áitiúla (m.sh. do chomhairle contae áitiúil) agus gníomhaireachtaí stáit a reáchtáil.
Is í an earnáil phríobháideach an chuid den gheilleagar a reáchtálann daoine aonair agus comhlachtaí chun brabús a dhéanamh agus níl smacht ag an stát uirthi, agus is cuid den earnáil dheonach iad carthanachtaí agus eagraíochtaí neamhbhrabúis.
Tá a lán gairmeacha ar fáil i níos mó ná ceann amháin de na hearnálacha seo, rud a chiallaíonn gur féidir úsáid a bhaint as scileanna agus taithí a fhaightear in earnáil amháin sna hearnálacha eile.
2. Cén ról atá ag Publicjobs.ie
Is é Publicjobs.ie an suíomh gréasáin ar a bhfógraíonn muid poist Státseirbhíse agus Seirbhíse Poiblí. Is ceann de na príomhbhealaí rochtana é do dhaoine a bhfuil suim acu i ngairm sa státseirbhís agus sa tseirbhís phoiblí. Is féidir le cuardaitheoirí poist cur isteach ar dheiseanna gairme trí publicjobs.ie de réir mar a thagann deiseanna chun cinn. Ina theannta sin, bainistíonn Publicjobs.ie an próiseas earcaíochta, ó staid an iarratais, trí staid na dtrialacha, trí staid an agallaimh agus go dtí go dtugtar tairiscint ar phost.
3. Cad é Rialtas na hÉireann?
Comhlíonann daoine atá fostaithe san Earnáil Phoiblí róil éagsúla, déanann siad cineálacha éagsúla post agus déanann siad obair thábhachtach. Fostaíonn Rialtas na hÉireann os cionn 300,000 duine chun seirbhísí poiblí a chur ar fháil do shaoránaigh na hÉireann. Maidir leis na seirbhísí poiblí seo, tá trí réimse i gceist:
- Ranna Rialtais, lena n-áirítear an Roinn Oideachais, an Roinn Sláinte, an Roinn Tithíochta, an Roinn Iompair, an Roinn Comhshaoil agus an Roinn Dlí agus Cirt, agus neart ranna eile (féach ar an ngrafaic faisnéise).
- Gníomhaireachtaí Stáit, a chuireann seirbhísí ar leith ar fáil, m.sh. FSS, An Garda Síochána agus RTÉ.
- Údaráis Áitiúla: Seans gur chuala tú trácht ar Chomairlí Cathrach nó ar Chomhairlí Contae. Is údaráis áitiúla iad seo.
Chun tuilleadh eolais a fháil, téigh go: https://www.gov.ie/ga/cabhair/ranna/
4. Cad iad Gráid na Státseirbhíse?
Baineann gráid na státseirbhíse, ó ghrád an Oifigigh Chléireachais go grád an Ard-Rúnaí, le sinsearthacht agus le scálaí tuarastail, seachas le róil agus dualgais ar leith. Tá beagnach gach ról atá ar fáil san earnáil phríobháideach ar fáil sa státseirbhís chomh maith, agus socraítear do leibhéal sinsearthachta laistigh de struchtúr na heagraíochta de réir do ghráid, ó ghníomhaíochtaí oibríochta go ceannaireacht shinsearach.
