Earnálacha Gairme | publicjobs.ie

Tá an Státseirbhís agus an tSeirbhís Phoiblí san Earnáil Phoiblí. Is é ról na Státseirbhíse tacaíocht a thabhairt do rialtas an lae chun a pholasaithe a fhorbairt agus a chur i bhfeidhm, sa bhaile agus thar lear. Tá réimse mór deiseanna ar fáil do dhaoine ar mhaith leo gairm sa Státseirbhís. Agus tú ag obair sa Státseirbhís, cuirfear deiseanna ar fáil duit obair a dhéanamh ar thionscnaimh a chabhraíonn le hÉirinn dul i ngleic leis na dúshláin a thagann chun cinn i ndomhan a bhíonn ag síorathrú, m.sh. i réimse an dlí, trí bhainistíocht a dhéanamh ar an ngeilleagar, nó trí sheirbhísí poiblí a nuálú. Is conair ghairme oiriúnach í seo do dhaoine ar mhaith leo freastal ar mhuintir na hÉireann.

Is lucht saothair ionchuimsitheach ina bhfuil éagsúlacht le brath é lucht saothair na Státseirbhíse, agus bíonn deiseanna ann i gcónaí dul chun cinn a dhéanamh agus scileanna a fhoghlaim agus a fhorbairt. Tá róil éagsula againn atá oiriúnach d’fhágálaithe scoile, do chéimithe ollscoile agus do ghairmeacha a bhfuil leibhéil éagsúla scileanna agus taithí acu. Ina measc siúd, tá gráid ghinearálta, m.sh. Oifigeach Cléireachais, Oifigeach Feidhmiúcháin agus Oifigeach Riaracháin agus róil speisialtachta, m.sh. Innealtóir, Eacnamaí nó Anailísí Polasaithe.

Eolas faoi na buntáistí

Ní hamháin go bhfuil poist spreagúla ar fáil, tá buntáistí móra ag baint le bheith ag obair sa Státseirbhís chomh maith! Féach ar chuid de na buntáistí thíos:

Timpeallacht Oibre Dhinimiciúil: Cuireann muid timpeallacht oibre dhinimiciúil oibre ar fáil inar féidir leat a bheith páirteach in obair shuimiúil ón tús. Ní hamháin sin ach beidh deis agat obair a dhéanamh a chabhraíonn leis an bpobal i gcoitinne.

Foghlaim agus Forbairt: Cuireann gairm sa Státseirbhís deiseanna leanúnacha foghlama agus forbartha ar fáil. Is féidir leat tabhairt faoi thionscnaimh éagsúla foghlama agus forbartha a chuireann ar do chumas do scileanna agus do ghairm sa Státseirbhís a fheabhsú.

Éagsúlacht: Aithníonn muid agus tuigeann muid an tábhacht a bhaineann le lucht saothair a mhealladh atá freagrúil, sochaideartha, acmhainneach agus machnamhach maidir leis na pobail ar a bhfreastalaíonn sé. Ní dhéanann muid leithcheal atá bunaithe ar ghnéas, stádas pósta, stádas clainne, chlaonadh gnéis, chreideamh, mhíchumas, chine, nó bhallraíocht sa Lucht Siúil.

Socruithe Solúbtha Oibre: Ag brath ar an gcineál oibre atá i gceist, cuireann roinnt oifigí Uaireanta Oibre Solúbtha, socruithe Postroinnte, socruithe pro-rata do Bhliain Oibre Níos Giorra nó deiseanna maidir le sosanna gairme ar fáil.

Dark Pink Circle with an icon of a Magnifying Glass

Difríocht a Dhéanamh: Cur le hobair fhiúntach ag a mbíonn tionchar díreach ar an tsochaí agus ar shaoránaigh.

Conairí Gairme sa Státseirbhís

Buail le daoine a oibríonn i státseirbhís na hÉireann agus a chuireann seirbhísí tábhachtacha ar fáil do mhuintir na hÉireann sa bhaile agus thar lear. Tosaíonn cuid mhaith acu a ngairm sa státseirbhís i bpoist ag leibhéal iontrála agus téann siad ar aghaidh chuig róil níos sinsearaí.

Struchtúr na nGrád sa Státseirbhís

Tosaíonn daoine i ngráid éagsula sa Státseirbhís, ag brath ar an leibhéal oideachais, scileanna agus taithí atá acu. Ar an dréimire gairme, tá róil riaracháin ghinearálta, m.sh. Oifigeach Cléireachais sealadach nó buan, deiseanna do chéimithe, m.sh. Oifigeach Feidhmiúcháin nó Riaracháin, agus róil ardbhainistíochta agus cheannaireachta straitéisí. Tugann an ghrafaic faisnéise thíos léargas ar Struchtúr na nGrád sa Státseirbhís agus ar chonairí gairme atá ar fáil inti. Chun tuilleadh eolais a fháil faoi na hinnniúlachtaí atá riachtanach do chuid de na róil sa Státseirbhís, féach ar Creat Inniúlachta na Státseirbhíse.

Oifigeach Cléireachais – Riarachán Ginearálta

Oibríonn Oifigigh Chléireachais i ngach roinn agus gníomhaireacht Rialtais, agus cuireann siad go mór le foirne trí réimse de dhualgais oifige ghinearálta a chomhlíonadh. Tugann Oifigigh Chléireachais tacaíocht d’fhoirne a oibríonn i réimsí gnó, m.sh. seirbhís do chustaiméirí, airgeadas, AD, margaíocht, TF, earcaíocht, beartas, cumarsáid agus riarachán agus roinnt réimsí eile.

Teastaíonn caighdeán maith oideachais ó Oifigigh Chléireachais chomh maith le dearcadh atá dírithe ar an gcustaiméir. Tá deiseanna ardaithe céime ar fáil d’Oifigigh Chléireachais nuair a dheimhnítear i bpost buan iad tar éis dóibh an tréimhse phromhaidh a chomhlíonadh.

Cad é an ról?

Obair riaracháin agus chléireachais ghinearálta.
Oibriú mar bhall d’fhoireann chun seirbhísí poiblí tábhachtacha a chur ar fáil.
Oibirú leis an teicneolaíocht is déanaí chun seirbhísí a thaifeadadh agus a fhorbairt.
Taifid ar ardchaighdeán a choinneáil ar bhealach cúramach agus eagraithe.
Tacaíocht a thabhairt do bhainisteoirí líne agus do chomhghleacaithe maidir le tionscadail agus tionscnaimh.
Gach cineál oibre a scrúdú chun a chinntiú go ndéantar é ar ardchaighdeán.
Cumarsáid a dhéanamh le agus seirbhís phoiblí ar ardchaighdeán a chur ar fáil don phobal/do chustaiméirí.

Cad iad na riachtanais?

De ghnáth, bheadh sé riachtanach oideachas ag leibhéal na hArdteistiméireachta a bheith agat don ghrád seo, ach ba chóir duit féachaint i gcónaí ar Leabhrán Eolais an Chomórtais chun sonraí faoi na scileanna agus riachtanais áirithe a bhaineann leis an ról a fháil. Is féidir go mbeadh sé úsáideach féachaint chomh maith ar an gCóras Inniúlachta d’Oifigigh Chléireachais don leibhéal seo.

Tuarastal:

Is é €25,339 an tuarastal tosaigh.

Foghlaim agus Forbairt:

Braitheann na deiseanna oiliúna agus forbartha a bheidh ann duit sa tSeirbhís Phoiblí ar roinnt cúinsí éagsúla, lena n-áirítear an ról a tairgeadh duit, an Eagraíocht/Roinn inar ceapadh thú, agus na scileanna atá ag teastáil chun do phost a dhéanamh. Ag brath ar an ról, mar Oifigeach Cléireachais, d’fhéadfá a bheith ag súil le do scileanna pearsanta a fheabhsú i slite éagsúla, agus is féidir go mbeadh an deis agat do scileanna agus tú féin a fhorbairt go gairmiúil trí chláir oiliúna ar ardchaighdeán, trí chórais mheantóireachta agus tacaíochta, tionscnaimh oiliúna inmheánacha agus a lán eile - chun a chinntiú go bhfuil na scileanna agus an cumas agat chun feidhmiú i ról atá gnóthach agus dírithe ar thorthaí sa Státseirbhís agus sa tSeirbhís Phoiblí.

Oifigeach Feidhmiúcháin – Bainistíocht Shóisearach

Is ról bainistíochta céadleibhéil é ról an Oifigigh Feidhmiúcháin (OF) i ngach roinn agus gníomhaireacht rialtais. Mar chuid den ról seo, déantar tionscadail agus baill foirne a bhainistiú i réimsí gnó éagsúla, lena n-áirítear seirbhís do chustaiméirí, airgeadas, AD, margaíocht, TF, earcaíocht, beartas, comhlíonadh, cumarsáid, agus riarachán, agus réimsí eile.

Is féidir le hOifigigh Feidhmiúcháin cur isteach ar ardú céime i ndiaidh tréimhse ama ar leith agus tar éis dóibh an tréimhse phromhaidh a chomhlíonadh.

Moltaí a dhréachtú a bhaineannn le ceisteanna beartais agus le reachtaíocht;
Foirne agus tionscadail a bhainistiú i ranna agus i ngníomhaireachtaí rialtais.
Ag déileáil go díreach leis an bpobal chun seirbhísí agus tionscnaimh a sholáthar.
Róil agus gníomhaíochtaí éagsúla eile.

Cad iad na riachtanais?
De ghnáth, bheadh sé riachtanach oideachas ag leibhéal na hArdteistiméireachta, ar a laghad, a bheith agat don ghrád seo, ach ba chóir duit féachaint i gcónaíar Leabhrán Eolais an Chomórtais chun sonraí faoi na scileanna agus riachtanais áirithe a bhaineann leis an ról a fháil. Is féidir go mbeadh sé úsáideach féachaint chomh maith ar an gCóras Inniúlachta d’Oifigigh Feidhmiúcháin don leibhéal seo.

Tuarastal:
Is é €31,698 an tuarastal tosaigh.

Foghlaim agus Forbairt:
Braitheann na deiseanna oiliúna agus forbartha a bheidh ann duit sa Státseirbhís agus sa tSeirbhís Phoiblí ar roinnt cúinsí éagsúla, lena n-áirítear an ról a tairgeadh duit, an Eagraíocht/Roinn inar ceapadh thú, agus na scileanna atá ag teastáil chun do phost a dhéanamh.

Ag brath ar an ról, mar Oifigeach Feidhmiúcháin, d’fhéadfá a bheith ag súil le do scileanna pearsanta a fheabhsú i slite éagsúla, agus is féidir go mbeadh an deis agat do scileanna agus tú féin a fhorbairt go gairmiúil trí chláir oiliúna ar ardchaighdeán, trí chórais mheantóireachta agus tacaíochta, tionscnaimh oiliúna inmheánacha agus a lán eile - chun a chinntiú go bhfuil na scileanna agus an cumas agat chun feidhmiú i ról atá gnóthach agus dírithe ar thorthaí sa Státseirbhís agus sa tSeirbhís Phoiblí.

Oifigeach Riaracháin – Iontráil do Chéimithe

Tá ról an Oifigigh Riaracháin dírithe go príomha ar chéimithe ollscoile. Glacann Oifigigh Riaracháin ról tábhachtach maidir le beartas a cheapadh, trí anailís chriticiúil, thaighde agus pholasaithe a dhréachtú, do réimsí éagsúla Rialtais. Is féidir go mbeadh baint ag Oifigigh Riaracháin chomh maith le heolas a dhréachtú d’Airí agus do státseirbhísigh shinsearacha. Tugann an ról seo deis iontach do chéimithe tús a chur lena ngairm sa Státseirbhís agus sa tSeirbhís Phoiblí.

Cad é an ról?
Ról spreagúil agus dúshlánach is ea an post mar Oifigeach Riaracháin (OR) agus is é sin an príomhghrád ina n-earcaítear céimithe sa Státseirbhís

D’fhéadfadh na dualgais seo a leanas a bheith i gceist sa ról:

Beartas agus straitéis a chumadh i réimsí éagsúla, mar atá, cúrsaí eacnamaíochta, airgeadais, idirnáisiúnta, timpeallachta agus sóisialta.
Taighde a dhéanamh agus moltaí a dhréachtú a bhaineannn le ceisteanna beartais agus le reachtaíocht.
Feidhmiú mar bhainisteoirí sóisearacha i Ranna agus i nGníomhaireachtaí Rialtais.
Tionscadail a bhainistiú agus deiseanna chun dul chun cinn a dhéanamh chun leibhéal na meánbhainistíochta.

Cad iad na riachtanais?
De ghnáth bheadh sé riachtanach cáilíocht ag leibhéal 8 (céim onóracha den chéad nó den dara grád), ar a laghad, ar Chreat Náisiúnta na gCáilíochtaí a bheith agat don ról seo. Maidir leis na hinniúlachtaí atá riachtanach don ról seo, tá na hinniúlachtaí seo a leanas san áireamh; scileanna cumarsáide agus idirphearsanta, an cumas oibriú mar bhall d’fhoireann agus cumas láidir ceannaireachta. Is féidir go mbeadh sé úsáideach féachaint chomh maith ar an gCóras Inniúlachta d’Oifigigh Riaracháin don leibhéal seo.

Tá tuilleadh eolais faoi na scileanna agus na riachtanais ar leith don ról seo ar fáil i Leabhrán Eolais an Chomórtais do gach feachtas ag an leibhéal seo.

Tuarastal:
Is é €33,889 an tuarastal tosaigh.

Ag brath ar an ról, mar Oifigeach Riaracháin, d’fhéadfá a bheith ag súil le do scileanna pearsanta a fheabhsú i slite éagsúla, agus is féidir go mbeadh an deis agat do scileanna agus tú féin a fhorbairt go gairmiúil trí chláir oiliúna ar ardchaighdeán, trí chórais mheantóireachta agus tacaíochta, tionscnaimh oiliúna inmheánacha agus a lán eile - chun a chinntiú go bhfuil na scileanna agus an cumas agat chun feidhmiú i ról atá gnóthach agus dírithe ar thorthaí sa Státseirbhís agus sa tSeirbhís Phoiblí.

Cuireadh tionscnaimh éagsúla i bhfeidhm le déanaí chun deiseanna forbartha a thabhairt d’iontrálaithe ag leibhéal an chéimí, lena n-áirítear: clár Forbartha na Státseirbhíse do Chéimithe, Clár an Rialtais Áitiúil do Chéimithe, mar aon le tacaíochtaí don Fhorbairt Ghairmiúil Leanúnach do chéimithe a thagann isteach trí shraitheanna gairmiúla m.sh. Eacnamaithe i Seirbhís Eacnamaíochta agus Mheasúnaithe na hÉireann (SEMÉ) agus Iniúchóirí faoi Oiliúint.

Ardoifigeach Feidhmiúcháin – Meánbhainistíocht

Is ról meánbhainistíochta é ról an Ardoifigigh Feidhmiúcháin, atá freagrach as foireann a bhainistiú. Tuairiscíonn Ardoifigeach Feidhmiúcháin do Phríomhoifigeach Cúnta agus tugann siad tacaíocht maidir le tionscadail mhóra a bhainistiú agus trí bheartas rialtais a fhorbairt.

Cad é an ról?
Mar Ardoifigeach Feidhmiúcháin beidh tú i do bhall tábhachtach den fhoireann meánbhainistíochta agus tuairisceodih tú agus tabharfaidh tú tacaíocht don Phríomhoifigeach Cúnta chun spriocanna na heagraíochta a bhaint amach. Tabharfaidh tú tacaíocht don fhoireann ardbhainistíochta maidir lena réimsí freagrachta agus beidh ról lárnach agat maidir le hathruithe a chur chun cinn san eagraíocht. Chun go n-éireoidh leo sa ghrád seo, ní mór d’iarrthoirí taithí a bheith acu ar fhoirne a bhainistiú agus a stiúradh, ar thionscadail a chomhordú, ar bhuiséid a bhainistiú agus ar bheartais a fhorbairt nó a chur i bhfeidhm.

Cad iad na riachtanais?
Tá tuilleadh eolais faoi na scileanna agus na riachtanais ar leith don ról seo ar fáil i Leabhrán Eolais an Chomórtais do gach feachtas ag an leibhéal seo. Beidh ort na riachtanais inniúlachta chuí a chomhlíonadh chun feidhmiú go héifeachtach sa Státseirbhís agus sa tSeirbhís Phoiblí. Samplaí de na hinniúlachtaí: Fadhbanna a Réiteach, Obair Foirne, Cinntí a Dhéanamh, agus Foirne a Stiúradh, mar aon le hinniúlachtaí eile. Is féidir go mbeadh sé úsáideach duit féachaint ar an gcreat inniúlachta d’Ardoifigigh Feidhmiúcháin.

Tuarastal:
Is é €50,848 an tuarastal tosaigh.

Ag brath ar an ról, mar Ardoifigeach Feidhmiúcháin, bheifeá ag súil do scileanna pearsanta a fheabhsú i slite éagsúla, agus bhead an deis agat do scileanna agus tú féin a fhorbairt go gaimiúil trí chláir oiliúna ar ardchaighdeán, trí chórais mheantóireachta agus tacaíochta agus a lán eile - lena chinntiú go bhfuil na scileanna agus an cumas agat le feidhmiú i ról atá gasta atá dírithe ar thorthaí sa tSeirbhís Phoiblí.

Príomhoifigeach Cúnta

De ghnáth, stiúrann Príomhoifigigh Chúnta aonad forbartha beartais, pleanála gnó, rialála nó seirbhíse ar leith laistigh dá Roinn.

Cad é an ról?

Grád sinsearach bainistíochta sa Státseirbhís atá sa phost mar Phríomhoifigeach Cúnta. Ról ilchineálach atá dírithe ar an saoránach agus a bhfuil sásamh ar fáil ann atá sa phost. Braithfidh an ról ar an earnáil agus an Roinn/Oifig ina dtarlóidh an folúntas.

Is rannpháirtithe ríthábhachtacha iad Príomhoifigigh Chúnta sa phróiseas bainistíochta sinsearaí i Ranna/Oifigí agus bíonn ról tábhachtach acu maidir le polasaí rialtais a chur i bhfeidhm sna réimsí eacnamaíochta, airgeadais, idirnáisiúnta, comhshaoil agus/nó sóisialta.

Príomhdhualgais agus Freagrachtaí:

Páirt a ghlacadh i straitéisí agus polasaithe eacnamaíochta, sóisialta agus gnó náisiúnta a fhorbairt.
Comhairle a thabhairt don lucht ardbhainistíochta maidir leis na himpleachtaí praiticiúla a bhaineann le cinntí agus moltaí tábhachtacha gnó.
Cláir ghnímh phraiticiúla a dhéanamh de chinntiú ardleibhéil.
Feidhmeanna achomhairc a chur ar fáil, inar féidir le baill den phobal achomhairc a dhéanamh i gcoinne cinntí riaracháin, m.sh. in oifigí éagsúla an Ombudsman.
Páirt a ghlacadh ar choistí náisiúnta agus ionadaíocht a dhéanamh don Stát in eagraíochtaí idirnáisiúnta.

Tuarastal:
Is é €70,339 an tuarastal tosaigh.

Ag brath ar an ról, mar Phríomhoifigeach Cúnta, d’fhéadfá a bheith ag súil le do scileanna pearsanta a fheabhsú i slite éagsúla, agus is féidir go mbeadh an deis agat do scileanna agus tú féin a fhorbairt go gairmiúil trí chláir oiliúna ar ardchaighdeán, trí chórais mheantóireachta agus tacaíochta, tionscnaimh oiliúna inmheánacha agus a lán eile - chun a chinntiú go bhfuil na scileanna agus an cumas agat chun feidhmiú i ról atá gnóthach agus dírithe ar thorthaí sa Státseirbhís agus sa tSeirbhís Phoiblí.

Príomhoifigeach – Ceannaireacht

Tá Príomhoifigigh ina mbaill thábhachtacha den fhoireann ardbhainistíochta i Ranna agus i nGníomhaireachtaí Rialtais. De ghnáth, bíonn Príomhoifigigh freagrach as aonad mór forbartha beartais, pleanála gnó nó soláthair seirbhíse laistigh dá Roinn.

Cad é an ról?

Mar bhainisteoirí sinsearach sa Státseirbhís, tá ról tábhachtach ag Príomhoifigigh maidir le comhairle a thabhairt faoi bheartas rialtais agus tá said freagrach as é a chur i bhfeidhm ina dhiaidh sin. De ghnáth, stiúrfaidh Príomhoifigeach aonad nó rannóg, ag déanamh maoirseacht ar chur i bhfeidhm spriocanna na Roinne agus glacfaidh siad freagracht as an gceannaireacht atá ag teastáil chun seirbhís fhreagrúil agus ionchuimsitheach a chur ar fáil a sholáthar.

Ról ilchineálach atá ann a athraíonn ó Roinn go Roinn agus ó phost go post. Sa ról seo, ní mór feidhmiú mar bhall tábhachtach den phróiseas bainistíochta sinsearaí i Ranna/Oifigí agus bíonn ról tábhachtach acu maidir le beartas rialtais a chur i bhfeidhm nó comhairle a thabahirt sna réimsí eacnamaíochta, airgeadais, idirnáisiúnta, comhshaoil agus/nó sóisialta.

Is féidir go mbeadh freagracht agat sna réimsí seo a leanas:

Polasaithe, pleananna gnó agus buiséid chaiteachais a chur le chéile agus a fhorbairt.
Comhairle a thabhairt faoi mholtaí beartais atá ag teacht chun cinn do Rúnaithe Cúnta, d’Ard-Rúnaithe, d’Airí agus don Rialtas.
Reachtaíocht a ullmhú agus sainchomhairle a thabhairt d’Airí agus do bhaill den Oireachtas.
Monatóireacht a dhéanamh ar fhorbairt bheartais, ar straitéis, ar fhorbairt reachtaíochta agus rialála in eagraíochtaí éagsúla stáit, leathstáit, san earnáil phríobháideach agus náisiúnta.
Ionadaíocht a dhéanamh don Stát i gcomhlachtaí AE, Angla-Éireannacha, agus Trasteorann.
Páirt a ghlacadh i gcruinnithe de chuid eagraíochtaí idirnáisiúnta, inar féidir go mbeadh tionchar an-mhór ag cinntí a dhéantar ar leas eacnamaíoch agus sóisialta na hÉireann.

Ina theannta sin, is féidir go mbeidh ar Phríomhoifigigh feidhmiú mar ionadaí dá Ranna/nOifigí sna meáin, ag Coistí Oireachtais, agus don tír ag leibhéal Eorpach agus idirnáisiúnta.

Cad iad na riachtanais?

Is féidir go mbeadh sé úsáideach féachaint ar an gCóras Inniúlachta do Phríomhoifigigh don leibhéal seo. Tá tuilleadh eolais faoi na scileanna agus na riachtanais ar leith don ról seo ar fáil i Leabhrán Eolais an Chomórtais do gach feachtas ag an leibhéal seo.

Tuarastal:
Is é €91,609 an tuarastal tosaigh.

Ag brath ar an ról, mar Phríomhoifigeach, d’fhéadfá a bheith ag súil le do scileanna pearsanta a fheabhsú i slite éagsúla, agus is féidir go mbeadh an deis agat do scileanna agus tú féin a fhorbairt go gairmiúil trí chláir oiliúna ar ardchaighdeán, trí chórais mheantóireachta agus tacaíochta, tionscnaimh oiliúna inmheánacha agus a lán eile - chun a chinntiú go bhfuil na scileanna agus an cumas agat chun feidhmiú i ról atá gnóthach agus dírithe ar thorthaí sa Státseirbhís agus sa tSeirbhís Phoiblí.

Runaí Cúnta – Ceannaireacht Shinsearach

Tá Rúnaí Cúnta freagrach as athrú straitéiseach a stiúradh mar bhall den Choiste Comhairleach Bainistíochta i Roinn Rialtais. Cuireann Rúnaithe Cúnta ceannaireacht éifeachtach ar fáil maidir le spriocanna straitéiseacha na Roinne a chur chun cinn agus maidir le timpeallacht oibre dhearfach a chur i bhfeidhm. Tá Rúnaithe Cúnta ina mbaill den Choiste Comhairleach Bainistíochta i Roinn Rialtais agus cuireann siad spriocanna na Roinne chun cinn agus iad i dteagmháil le ranna rialtais, gníomhaireachtaí stáit agus páirtithe leasmhara éagsúla.

Cad é an ról?

Rúnaí Cúnta an teideal a thugtar de ghnáth do Cheannaire Rannóige i Roinn sa Státseirbhís a bheidh ina b(h)all chomh maith den bhord bainistíochta don roinn sin. Léiríonn an córas inniúlachta do Rúnaithe Cúnta na nithe atá riachtanach chun feidhmiú go héifeachtach i réimse ina bhfeidhmíonn seirbhísigh phoiblí agus Rúnaithe Cúnta, i dtréimhse ina bhfuil brú maidir le cinntí a dhéanamh agus torthaí a bhaint amach, éileamh níos casta agus níos mó, níos lú acmhainní, scrúdú níos déine ó na meáin agus ón bpobal agus clár athchóirithe uaillmhianach agus forásach seirbhíse poiblí.

Cad iad na riachtanais?

Bíonn riachtanais éagsúla ó phost go post ach de ghnáth bíonn na nithe seo i gceist:

Cuntas teiste cruthaithe mar cheannaire agus mar bhainisteoir sinsearach in eagraíocht mhór, chasta soláthair.
Taithí ar straitéisí agus ar pholasaithe tábhachtacha a fhorbairt agus ar fhís a chur i bhfeidhm in eagraíocht mhór dhíchosúil;
Cuntas teiste i mbainistíocht athruithe i réimse mór oibríochta agus solúbthacht a chinntiú de réir mar a athraíonn riachtanais shóisialta.
Breithiúnas stuama agus an cumas déileáil go héifeachtach le ceisteanna casta a bhaineann lena chéile i réimsí éagsúla beartais phoiblí agus ar na himpleachtaí atá ag nósanna imeachta éagsúla:
Sárscileanna cumarsáide agus cuntas teiste maidir le caidreamh a bhainistiú, soiléireacht agus ceannaireacht fhorbartha a sholáthar chomh maith le torthaí a bhaint amach.
Taithí fhairsing ar thionscadail agus ar airgead a bhainistiú.
Béim straitéiseach a roinnt thar théarma fada agus torthaí a sholáthar go sciobtha.

Tá tuilleadh eolais faoi na scileanna agus na riachtanais ar leith don ról seo ar fáil sa Leabhrán Eolais do gach feachtas ag an leibhéal seo.

Tuarastal:
Is é €145,283 an tuarastal tosaigh.

Foghlaim agus Forbairt:
Bunaíodh an tSeirbhís Phoiblí Shinsearach (SPS) agus tá sé mar aidhm aici bainistíocht agus ceannaireacht shinsearach a neartú ar fud na Státseirbhíse agus na Seirbhíse Poiblí. I measc na mball, tá gach státseirbhíseach reatha agus a ceapadh le déanaí ag leibhéal an Ard-Rúnaí, an Leas-Rúnaí agus an Rúnaí Chúnta agus leibhéal an Stiúrthóra agus i ngráid ghaolmhara Rannóige agus ghairmiúla.

Leagann Straitéis Forbartha Ceannaireachta na SPS, atá faofa ag an Rialtas, amach na tionscnaimh a chuirfidh an tSPS i bhfeidhm sa tréimhse 2017 - 2020, lena n-áirítear cóitseáil d’fheidhmeannaigh, cláir forbartha, deiseanna soghlulaiseachta agus eachtraí líonraithe. Tá sé mar aidhm aici na scileanna agus an tacaíocht atá riachtanach chun na dúshláin ghnó agus cheannaireachta is mó atá ag státseirbhís an lae inniu a thabhairt don tSPS agus cabhrú le hathrú fadtréimhseach don duine aonair, don eagraíocht agus don Státseirbhís.

Ard-Rúnaí – Ceannaireacht Shinsearach

Tá Ard-Rúnaithe freagrach as Roinn Rialtais a bhainistiú. Tá siad freagrach as polasaithe rialtais a chur i bhfeidhm, as torthaí a shocraítear leis an Aire a sholáthar, as comhairle a thabhairt don Aire agus as úsáid chuí a bhaint as acmhainní agus as feidhmeanna ar leith a thabhairt d’oifigigh sa Roinn.

Cad é an ról?
Ard-Rúnaí an teideal a thugtar de ghnáth do Cheannaire Roinne sa Státseirbhís. Tá an tArd-Rúnaí freagrach as an Roinn a bhainistiú go héifeachtach agus go héifeachtúil, lena n-áirítear dualgais áirithe airgeadais mar Oifigeach Cuntasaíochta, comairle a thabhairt d’Airí, torthaí a bhaint amach, déileáil le gnóthaí tras-ghearrtha agus a bheith freagrach os comhair Choistí Oireachtais más gá.

Mar cheannaire eagraíochta, tugann foireann ardbhainistíochta cabhair don Ard-Rúnaí a dtugtar Bord Bainistíochta orthu de ghnáth, a fheidhmíonn mar fhoireann agus mar fhórsa aonaithe, a thugann ceannaireacht agus treoir don eagraíocht.

Cad iad na riachtanais?
Bíonn riachtanais éagsúla ó phost go post ach de ghnáth bíonn na nithe seo i gceist:

Cuntas teiste cruthaithe mar cheannaire agus mar bhainisteoir sinsearach in eagraíocht mhór, chasta soláthair.
Taithí ar straitéisí agus ar pholasaithe tábhachtacha a fhorbairt agus ar fhís a chur i bhfeidhm in eagraíocht mhór dhíchosúil;
Cuntas teiste i mbainistícoht athruithe i réimse mór oibríochta agus solúbthacht a chinntiú de réir mar a athraíonn riachtanais shóisialta.
Breithiúnas stuama agus an cumas déileáil go héifeachtach le ceisteanna casta a bhaineann lena chéile i réimsí éagsúla beartais phoiblí agus ar na himpleachtaí atá ag nósanna imeachta éagsúla:
Sárscileanna cumarsáide agus cuntas teiste maidir le caidreamh a bhainistiú, soiléireacht agus ceannaireacht fhorbartha a sholáthar chomh maith le torthaí a bhaint amach.

Tá tuilleadh eolais faoi na scileanna agus na riachtanais ar leith don ról seo ar fáil sa Leabhrán Eolais do gach feachtas ag an leibhéal seo.

Tuarastal:
Is é €204,630 an tuarastal tosaigh.

Fógra faoi sceamáil ar WhatsApp atá dírithe ar publicjobs.ie Faigh tuilleadh eolais

Ár gConairí Gairme

Eolas faoi na buntáistí

Conairí Gairme sa Státseirbhís

Cuir aithne ar Elizabeth - ó Oifigeach Cléireachais go Maoirseoir in Oifig na gCoimisinéirí Ioncaim

Cuir aithne ar Brendan- Oifigeach Feidhmiúcháin sa Roinn Trádála, Fiontair agus Fostaíochta

Cuir aithne ar Niall - faigh eolas faoina aistear gairme ó ghrád an Oifigigh Chléireachais go dtí Leas-Cheannasaí Misin i gConsalacht Ghinearálta na hÉireann in Frankfurt

Cuir aithne ar Emer - Oifigeach Feidhmiúcháin i mBuanionadaíocht na hÉireann don AE

Meet Christine - ICT Specialist working in the Department of Social Protection

Buail le hAlan - Speisialtóir TFC (Forbairt Bogearraí) ag obair sa Roinn Talmhaíochta, Bia agus Mara

Buail le Milan - Oifigeach Cléireachais in Oifig na gCoimisinéirí Ioncaim

Cuir aithne ar Michelle - ó Oifigeach Feidhmiúcháin go Ceannasaí Oifig na Bainistíochta Tionscadal sa Roinn Gnóthaí Eachtracha

Cuir aithne ar Stephen - ó Oifigeach Feidhmiúcháin go Ceannasaí Fheidhm Víosa Ambasáid na hÉireann i Londain

Cuir aithne ar Fhionnbharra agus faigh eolas faoina aistear ó Oifigeach Cléireachais go Bainisteoir sa Roinn Breisoideachais agus Ardoideachais, Taighde, Nuálaíochta agus Eolaíochta

Struchtúr na nGrád sa Státseirbhís

Oifigeach Cléireachais – Riarachán Ginearálta

Oifigeach Feidhmiúcháin – Bainistíocht Shóisearach

Oifigeach Riaracháin – Iontráil do Chéimithe

Ardoifigeach Feidhmiúcháin – Meánbhainistíocht

Príomhoifigeach Cúnta

Príomhoifigeach – Ceannaireacht

Runaí Cúnta – Ceannaireacht Shinsearach

Ard-Rúnaí – Ceannaireacht Shinsearach