1. Rinne mé dearmad ar no shonraí do logáil isteach/Ceisteanna teicniúla eile
1. Conas a ath-shocraím an pasfhocal/sonraí do logáil isteach do mo chuntas?
Má tá dearmad déanta agat ar do phasfhocal, cliceáil ar an nasc thíos anseo agus lean na treorach ar an scáileán.
Má tá deacracht agat logáil isteach ina dhiaidh seo, déan teagmháil le Tá an seoladh ríomhphoist seo á chosaint ó róbait thurscair. Tá ort JavaScript a chumasú le hamharc air., nó glaoigh ar Aonad Tacaíochta an Iarrthóra ag 01-858 7535. Má tá tú ag glaoch chun cuidiú a fháil, bíodh do sheoladh ríomhphoist, do dháta breithe agus d’uimhir PPS ar fáil agat nuair a ghlaonn tú.
2. Ní féidir liom an post a fógraíodh a fháil ar an suíomh gréasáin?
Féach ar an táb Cuardach Poist ar an leathanach baile de www.publicjobs.ie (féach thíos); cuir isteach Eochairfhocal (nó focail) don phost sa réimse “Eochairfhocail” (ní gá duit Catagóir nó Fo-chatagóir Poist a chur isteach) agus ba chóir go dtabharfadh sin Fógra Poist gníomhach ar bith ar ais ina bhfuil Eochairfhocal(il) ar bith.
3. Ní féidir liom an fhoirm iarratais a íoslódáil/a oscailt.
Má tá deacracht agat an fhoirm Detailed PDF a íoslódáil nó a oscailt;
Féach an bhfuil Adobe socraithe mar léitheoir réamhshocraithe PDF. D'fhéadfadh sé tarlú go bhfuil Adobe 7.0.5 (nó níos airde) socraithe agat mar do léitheoir PDF réamhshocraithe. Téigh chuig do chlár socruithe agus socraigh Adobe de lámh mar do léitheoir PDF réamhshocraithe. Ba chóir go socródh seo an fhadhb.
Mura ndéanann, agus go bhfuil tú ag úsáid brabhsálaí gréasáin “Google Chrome” bain triail as seo:
Má fheiceann tú leathanach bán agus an teachtaireacht 'fan le do thoil...' air, le linn duit iarracht a dhéanamh foirm iarratais PDF a thógáil anuas, is féidir go bhfuil fadhb agat le Chrome. Cé go dtógfaidh Chrome an fhoirm iarratais PDF anuas agus go sábhálfaidh sé é, ní osclaíonn sé PDFnna nuair atá Adobe á úsáid, déanann sé iarracht PDFnna a oscailt mar tháb taobh istigh den bhrabhsálaí gréasáin, agus cliseann an PDF dá bharr.
Chun déileáil leis an cheist seo, déan na céimeanna seo;
1. Bí cinnte go bhfuil Adobe socraithe mar do Léitheoir réamhshocraithe PDF.
2. Dún Chrome ar bhonn sealadach.
3. Téigh chuig do chomhad "Íoslódálacha" ar do ríomhaire. Beidh d'fhoirm iarratais PDF sábháilte sa láthair seo.
4.Cliceáil faoi dhó ar dheilbhín d'fhoirm iarratais PDF agus ba chóir go n-osclódh Adobe é (nó, cliceáil ar dheis ar dheilbhín d'fhoirm iarratais PDF agus roghnaigh "Oscail Le" ón chlár anuas, agus ansin roghnaigh "Adobe".
Ní tharlaíonn sé chomh minic sin ach uaireanta tarlaíonn sé le IT agus Firefox ach réiteoidh na céimeanna thuas an cheist do na brabhsálaithe sin.
Féach an bhfuil Adobe socraithe mar léitheoir réamhshocraithe PDF. D'fhéadfadh sé tarlú go bhfuil Adobe 7.0.5 (nó níos airde) socraithe agat mar do léitheoir PDF réamhshocraithe. Téigh chuig do chlár socruithe agus socraigh Adobe de lámh mar do léitheoir PDF réamhshocraithe. Ba chóir go socródh seo an fhadhb.
Mura ndéanann, agus go bhfuil tú ag úsáid brabhsálaí gréasáin “Google Chrome” bain triail as seo:
Má fheiceann tú leathanach bán agus an teachtaireacht 'fan le do thoil...' air, le linn duit iarracht a dhéanamh foirm iarratais PDF a thógáil anuas, is féidir go bhfuil fadhb agat le Chrome. Cé go dtógfaidh Chrome an fhoirm iarratais PDF anuas agus go sábhálfaidh sé é, ní osclaíonn sé PDFnna nuair atá Adobe á úsáid, déanann sé iarracht PDFnna a oscailt mar tháb taobh istigh den bhrabhsálaí gréasáin, agus cliseann an PDF dá bharr.
Chun déileáil leis an cheist seo, déan na céimeanna seo;
1. Bí cinnte go bhfuil Adobe socraithe mar do Léitheoir réamhshocraithe PDF.
2. Dún Chrome ar bhonn sealadach.
3. Téigh chuig do chomhad "Íoslódálacha" ar do ríomhaire. Beidh d'fhoirm iarratais PDF sábháilte sa láthair seo.
4.Cliceáil faoi dhó ar dheilbhín d'fhoirm iarratais PDF agus ba chóir go n-osclódh Adobe é (nó, cliceáil ar dheis ar dheilbhín d'fhoirm iarratais PDF agus roghnaigh "Oscail Le" ón chlár anuas, agus ansin roghnaigh "Adobe".
Ní tharlaíonn sé chomh minic sin ach uaireanta tarlaíonn sé le IT agus Firefox ach réiteoidh na céimeanna thuas an cheist do na brabhsálaithe sin.
4. Ní rachaidh m’Uimhir Aitheantais Iarrthóra isteach san fhoirm?
Nuair a chuireann tú d’uimhir aitheantais Iarrthóra isteach san fhoirm iarratais bí cinnte go bhfuil tú a chló isteach go cúramach agus i gceart.
Ná cóipeáil agus greamaigh an uimhir Aitheantais seo ó áit eile mar gur féidir go gcuirfeadh sin spás folamh isteach roimh nó tar éis uimhir. Áirítear an spás mar charachtar sa chóras, rud a d’fhágfadh go bhfeicfí an uimhir Aitheantais iarrthóra a bheith mícheart.
5. Cad é Uimhir Iarrthóra?
Cruthaítear UA iarrthóra nuair a chláraíonn tú ar www.publicjobs.ie. Tá sé ar fáil sa leathanach sonraí pearsanta i do phróifíl ar www.publicjobs.ie. Seo uimhir ar leith atá ceangailte le do phróifíl. Is féidir leat an uimhir seo a lua nuair a dhéanann tú teagmháil le n-ár nOifig. Ní mór duit an uimhir seo a líonadh ar d’fhoirm iarratais mhionsonraithe. Ní mór go gcuirfí thú isteach i gceart nó ní bheidh tú in ann dul ar aghaidh.2. Comhairle faoin Phróiseas Earcaíochta, Iarratais agus Trialacha
1. Cad iad na staideanna sa phróiseas earcaíochta?
Tá achoimre de na staideanna éagsúla den phróiseas earcaíochta do phost ar bith chomh maith leis na dátaí sealadacha leagtha amach sa leabhrán eolais don phost sin. D’fhéadfadh roinnt de na nithe seo nó iad ar fad a bheith i gceist i gcuid de na staideanna éagsúla den phróiseas earcaíochta: tástáil ar líne, tástáil inmheánach, gearrliostú, réamh-agallamh, cur i láthair, príomh-agallamh srl.
2. Cé chomh fada a mhaireann an próiseas earcaíochta?
Tugtar an fad ama don phróiseas earcaíochta do chomórtas ar leith sa leabhrán eolais. D’fhéadfadh sé go mbeadh roinnt staideanna i gceist sa phróiseas earcaíochta lena n-áirítear tástáil ar líne, tástáil deimhnithe ar líne, agallamh srl.
Feach ar "Nuashonruithe Feachtais"
3. An féidir liom CV a uaslódáil mar dhoiciméad tacaíochta do m’fhoirm iarratais?
Mura n-iarrtar é, níl CV riachtanach mar dhoiciméad tacaíochta le d’fhoirm iarratais. Iarrfar ort gach eolas atá riachtanach le d’iarratas a phróiseáil ar an fhoirm iarratais.
4. An gá dom an fhoirm iarratais a shíniú?
Ní gá duit an fhoirm iarratais a shíniú, is leor d’ainm a chlóscríobh.
5. Conas is féidir liom a theacht ar shean-fhoirm iarratais?
Le teacht ar shean-fhoirm iarratais;
1) Logáil isteach ar do chuntas ar publicjobs
2) Cliceáil an táb “M’Iarratais” ar thaobh na láimhe clé den leathanach.
Ba chóir go mbeadh gach foirm iarratais a rinne tú cheana ar fáil ar an leathanach seo. Cliceáil ar an fhoirm iarratais lena fheiceáil nó lena íoslódáil.
1) Logáil isteach ar do chuntas ar publicjobs
2) Cliceáil an táb “M’Iarratais” ar thaobh na láimhe clé den leathanach.
Ba chóir go mbeadh gach foirm iarratais a rinne tú cheana ar fáil ar an leathanach seo. Cliceáil ar an fhoirm iarratais lena fheiceáil nó lena íoslódáil.
6. Conas a bheidh a fhios agam go bhfuarthas m’iarratas?
Má chomhlíon tú agus gur íoslódáil tú an fhoirm iarratais i gceart, beidh tú in ann d’fhoirm iarratais a fheiceáil sa táb “M’iarratais” i do chuntas i publicjobs.ie
7. An féidir liom m’Iarratas a chur ar ceal?
Is féidir leat d’iarratas a chur ar ceal mura bhfuil an dáta dúnta imithe.
8. Cathain a bheidh torthaí na trialach ar líne ar fáil?
Ag brath ar líon na n-iarrthóirí atá ag déanamh na scrúduithe, de ghnáth cuirtear na torthaí ar do bhord teachtaireachtaí dhá nó trí sheachtain tar éis an dáta dúnta do na trialacha ar líne a dhéanamh.
9. Cathain a bheidh torthaí na trialach faoi mhaoirseacht ar fáil?
Tá seo ag brath fosta ar líon na n-iarrthóirí ar éirigh leo go dtí seo. Mar an gcéanna le toradh na trialach ar líne, ba chóir go bhfaighfeá scéal dhá nó trí sheachtain tar éis an triail dheireanach a dhéanamh.
10. An féidir liom an toradh a achomharc mura n-éiríonn liom?
Déantar an chuid is mó de na feachtais a reáchtálann an tSeirbhís um Cheapacháin Phoiblí de réir chód cleachtais an CCSP. Tabharfaidh PAS aird ar iarratais ar athbhreithniú de réir fhorálacha na gcód seo. Tá an nós imeachta maidir le hathbhreithniú ar fáil sa nasc seo ar shuíomh gréasáin an CCSP agus roghnaigh an fhoirm PDF: Cód Cleachtais chun daoine a cheapadh i bpoist sa Státseirbhís agus sa tSeirbhís Phoiblí.
11. An féidir liom dul i dteagmháil le duine éigin ón Rannóg/Údarás Fostaithe leis an ról a phlé?
Níor chóir go mbeadh sin riachtanach mar go bhfuil an t-eolas ar fad a theastaíonn uait le hiarratas a dhéanamh ar an phost ar fáil sa leabhrán eolais a thugtar sa ról a fhógraítear. Má tá deacrachtaí teicniúla agat doiciméid PDF a íoslódáil nó a oscailt féach ar Ceist 3 sa rannóg Ceisteanna Coitianta.
Sa chás nach cuimhin leat d’ainm úsáideora nó do phasfhocal nó má tá deacrachtaí agat logáil isteach i do chuntas i publicjobs, féach Ceist 1 i rannóg Ceisteanna.
Sa chás nach cuimhin leat d’ainm úsáideora nó do phasfhocal nó má tá deacrachtaí agat logáil isteach i do chuntas i publicjobs, féach Ceist 1 i rannóg Ceisteanna.
3. Tá agallamh agam! Cad a tharlaíonn ansin?
1. Cad atá i gceist san agallamh?
Is féidir go mbeidh leagan amach difriúil i gceist ó chomórtas go comórtas. Má thugtar cuireadh dhuit chuig agallamh, cuirfear na sonraí ar fad chugat in ábhar taithíochta roimh dháta an agallaimh.
2. Cé chomh fada agus atá an t-agallamh?
Beidh fad na n-agallamh difriúil ó chomórtas go comórtas. Má thugtar cuireadh dhuit chuig agallamh, cuirfear na sonraí ar fad chugat in ábhar taithíochta roimh dháta an agallaimh.
3. An féidir liom eolas a fháil faoin Chur i Láthair? (Cad le scríobh / Conas ábhar a chumadh / Tabhair leat do ríomhaire glúine féin)
Maidir le feachtais ina mbíonn líon mór iarratas, ní féidir aon eolas a thabhairt roimh ré sula ndéantar an cur i láthair féin. Tabharfar ábhar an chur i láthair duit ar an lá agus beidh uair a chloig agat d’ullmhúchán. Cuirfear gach ábhar/fearas atá riachtanach don chur i láthair ar fáil duit ar an lá. Maidir le poist ag leibhéal sinsearach nó maidir le poist theicniúla de ghnáth tugtar ábhar an chur i láthair roimh ré. Ní mór d’iarrthóirí a gcur i láthair a thabhairt don aonad earcaíochta roimh ré agus ní cheadaítear áiseanna do chur i láthair.
4. Cé atá ar an mBord d’agallamh?
Bíonn Baill Bhoird éagsúla i gceist ó chomórtas go comórtas agus ó agallamh go hagallamh. Má thugtar cuireadh chuig agallamh duit ag grád OF nó os a chionn, cuirfear ainmneacha bhaill an bhoird ar do bhord teachtaireachtaí ar publicjobs roimh dháta an agallaimh.
5. An féidir liom dáta/am m’agallaimh a athrú?
Athrófar dátaí i gcásanna eisceachtúla. Má theastaíonn uait dáta agus am d’agallaimh a athrú, is féidir leat dul i dteagmháil leis an aonad earcaíochta agus a iarraidh go gcuirfí thú ar liosta athsceidealaithe. Tabharfar cuireadh chuig agallamh duit an chéad uair eile a ghlaoitear grúpa chuig agallamh don chomórtas áirithe sin.
Ba chóir duit a bheith ar an eolas gur féidir nach mbeidh deis ann sceideal nua a thabhairt duit má tá cuireadh á thabhairt duit chuig agallamh ón ghrúpa deiridh d’iarrthóirí nó más comórtas fíor-bheag atá i gceist agus nach bhfuil ach babhta amháin d’agallaimh sa sceideal.
Tá an socrú céanna i gceist maidir le trialacha staid 2. Ní thabharfar ach deis AMHÁIN do gach iarrthóir sceideal a athrú ag staid ar bith den phróiseas iarratais. Murar féidir le hiarrthóir cloí le sceideal an agallaimh/dáta/am na trialach, glactar leis gur tharraing siad siar as an chomórtas.
6. An féidir liom aiseolas a lorg ó m’agallamh?
Is féidir aiseolas faoi agallamh a lorg má chuireann tú ríomhphost chuig an aonad earcaíochta cuí, agus tugtar na sonraí sa leabhrán eolais ábhartha.
7. An féidir liom dul i dteagmháil leis an Bhord chun tuilleadh eolais a fháil.
Bíonn ionadaí de chuid na SCP ar gach bord agallaimh. Tá gach aiseolas agus achomharc bunaithe ar na nótaí a thóg ionadaí na SCP agus baill an Bhoird a rinne an t-agallamh.
4. Cuireadh mé ar Phainéal. Cad a tharlaíonn anois?
1. Cá háit a bhfuil mé ar an phainéal? / Cé mhéad duine atá romham ar an phainéal?
Tugtar d’áit ar an phainéal nuair a thugtar amach na torthaí. Féach ar do bhord teachtaireachtaí do na sonraí.
Bí ar an eolas nach léiríonn an líon daoine atá romhat cé chomh luath a shannfar nó nach sannfar thú. Tá an dáta a shannfar duine i bpost at brath ar líon na bhfolúntas a tharlaíonn sa réigiún inar cuireadh painéal ar leith le chéile dó.
2.An bhfuil a lán folúntas eile?
Ní féidir a rá. Ní shocraíonn an tSeirbhís um Cheapacháin Phoiblí líon na bhfolúntas. Socraíonn an Roinn féin an líon folúntas in Údarás Fostaithe/Eagraíocht Cliaint. Líonaimid na folúntais seo nuair a tharlaíonn siad trí iarrthóirí a shannadh ó na painéil reatha. Chomh luath agus a shroichimid d’áit ar phainéal, beidh an tSeirbhís um Cheapacháin Phoiblí i dteagmháil leat.
3. Cathain a chríochnaíonn an painéal?
Nuair a bhunaítear painéal, de ghnáth maireann sé ar feadh 18 mhí. Maidir le comórtais áirithe, is féidir go mairfeadh an painéal níos faide, agus i gcásanna áirithe is féidir go sínfear tréimhse an phainéil.
4. Cad a tharlaíonn má shéanaim nó má dhiúltaím tairiscint ar shannadh?
Má dhiúltaíonn tú sannadh, glactar leis gur tharraing tú siar d’iarratas agus ní dhéanfar aon tairiscint sa bhreis duit maidir leis an phost áirithe sin. Bíonn folúntais ar fud na tíre do roinnt de na poist a fhógraítear agus is féidir go gcuirfí painéil le chéile do gach ionad. Má chuirtear iarrthóir ar níos mó ná painéal amháin agus go ndiúltaíonn sé/sí tairiscint ar cheann amháin, ní chuireann sé as do phainéal ar bith eile
5. Ghlac mé le post. Cad a tharlaíonn ansin?
1. Cé chomh luath a chaithfidh mé tosú i mo roinn úr tar éis mo shannta?
Chomh luath agus a shannfar thú tríd an tSeirbhís um Cheapacháin Phoiblí, ní mór duit an dáta tosaithe a phlé leis an Údarás Fostaithe/Eagraíocht Cliaint ar sannadh thú chuige.
2. Má éiríonn liom, cá sannfar mé?
Maidir le feachtais mhóra ghinearálta ar nós Oifigeach Cléireachais nó Oifigeach Feidhmiúcháin, iarradh ort réigiún amháin nó níos mó a roghnú gur bhfearr leat oibriú ann. Sannfar thú sa chéad Roinn atá ag lorg baill foirne, i gceann de na réigiúin a roghnaigh tú de réir d’ord fiúntais ar an phainéal. Lena chinntiú go dtugtar cothrom na féinne do gach iarrthóir, sannfar thú sa chéad Roinn a lorgaíonn baill foirne i gceann de na réigiúin a roghnaigh tú, de réir d’ord fiúntais. Tá sonraí faoi na hionaid ina bhfuil na poist sin ar fáil sa leabhrán eolais cuí.
3. An féidir liom a roghnú cén roinn nó oifig gur mhaith liom go sannfaí mé ann?
Ní féidir leat a roghnú cá sannfar thú. Lena chinntiú go dtugtar cothrom na féinne do gach iarrthóir, sannfar thú sa chéad Roinn i gceann de na réigiúin a roghnaigh tú de réir d’ord fiúntais ar an phainéal.
4. Cé chomh fada a mhaireann an próiseas imréitigh?
Is féidir go dtógfadh an próiseas imréitigh roinnt seachtaine ag brath ar leibhéal an imréitigh slándála atá riachtanach. Tá roinnt de na réimsí imréitigh taobh amuigh de rialúchán na SCP ar nós Imréiteach an Gharda Síochána agus teistiméireachtaí poist a sholáthar. De ghnáth, a luaithe a thugann iarrthóir na doiciméid atá riachtanach is ea is túisce a thosóidh an próiseas imréitigh.
5. An gá dom an tSCP a chur ar an eolas má d’athraigh mo chúinsí fostaíochta le linn staid an imréitigh?
Is féidir. Teastaíonn an t-eolas is úire faoi gach iarrthóir uainn maidir le himréiteach.
6. An féidir leis an tSCP cabhair a thabhairt maidir le doiciméid a fháil d’imréiteach?
Mar a luaitear sa leabhrán eolais is faoin iarrthóir féin gach doiciméad a lorgaíonn an tSCP don phróiseas imréitigh a sholáthar taobh istigh den am atá ceadaithe. Ní féidir leis an tSCP cabhair ar bith a thabhairt maidir le doiciméid imréitigh a fháil.
7. Cén fáth a gcaithfidh mé m’fhostóir reatha a úsáid mar theistiméireacht roimh shannadh?
Úsáidimid d’fhostóir reatha do theistiméireacht. Má tá tú ag obair san earnáil phríobháideach áfach, ní dhéanfar aon teagmháil le d’fhostóir reatha gan do chead a fháil.
8. Cad iad na doiciméid gur gá do gach iarrthóir a thabhairt roimh imréiteach?
Ní mór do gach iarrthóir an leagan bunaidh dá dteastas breithe nó dá bpas a sholáthar, na doiciméid aitheantais a theastaíonn do phróiseas imréitigh an Gharda agus leaganacha bunaidh de cháilíochtaí oideachais atá riachtanach don phost a bhfuil iarratas déanta agat air ar nós an tArd-Teistiméireacht, Tras-scríbhinní de Chéim Ollscoile nó doiciméid eile.
9. Cad iad nósanna imeachta do ghrinnfhiosrú an Gharda & do ghrinnfhiosrú phóilíní eachtracha d’imréiteach?
Ní mór do gach iarrthóir dul faoi Ghrinnfhiosrú an Gharda sula sannfar iad. Má bhí iarrthóir ina c(h)ónaí thar lear i dtír ar bith ar feadh sé mhí nó níos mó nuair a bhí aois 16 bliana nó níos mó acu, beidh orthu nochtadh póilíní ón tír seo a thabhairt lena chruthú nach bhfuil taifead coiriúil acu.
10. Cad a tharlóidh chomh luath agus a shannfar mé?
Chomh luath agus a shannfar thú, beidh ball foirne AD na roinne inar sannadh thú i dteagmháil leat le do chonradh, dáta tosaithe agus sonraí eile a phlé.
11. An féidir liom mo thuarastal tosaithe a idirbheartú?
Ní féidir an tuarastal tosaithe a idirbheartú ach i gcásanna eisceachtúla.
6. Tá muid anseo
1. Conas a rachaidh mé chuig Áras na Caibidle?
Tá an tSeirbhís um Cheapacháin Poiblí lonnaithe ag
Áras na Caibidle,
26 -30 Sráid na Mainistreach Uachtarach,
Baile Átha Cliath 1, DO1 C7W6
Tá Áras na Caibidle suite ar Shráid na Mainistreach Uachtarach i Lár Chathair Bhaile Átha Cliath agus is furasta a theacht air trí iompar poiblí, ar an bhus, Luas nó traein. Tá tuilleadh eolais faoi conas a theacht chuig ár n-oifig ar fáil ag Leathanach Déan Teagmháil Linn.
2. Cá háit san fhoirgneamh a mbíonn na trialacha agus na hagallaimh ar siúl?
Bíonn na trialacha agus na hagallaimh ar siúl ar an chéad urlár i bhfoirgneamh na Seirbhíse um Cheapacháin Phoiblí. Ag brath ar an chomórtas i gceist, is féidir go mbeidh ort seiceáil isteach ar an bhunurlár nó ar an chéad urlár. Cuir ceist ag an deasc fáilte ar an bhunurlár nuair a thagann tú agus iarrfar ort dul chuig an láthair chuí.
7. CC Ginearálta
1. Cé hiad an tSeirbhís um Cheapacháin Phoiblí?
Eagraíocht Rialtais is ea an tSeirbhís um Cheapacháin Phoiblí (SCP) a chuireann seirbhísí earcaíochta ar fáil don Státseirbhís. Déanaimid earcaíocht fosta don Gharda Síochána, d’Fheidhmeannacht na Seirbhíse Sláinte (FnaSS), Rialtas Áitiúil agus comhlachtaí poiblí eile.2. Cad é Publicjobs.ie mar sin?
Tuigimid go mbíonn daoine trí chéile uaireanta! Go simplí, is é Publicjobs.ie an suíomh gréasáin don tSeirbhís um Cheapacháin Phoiblí. Is air a fhógraímid gach post don Státseirbhís agus don tSeirbhís Phoiblí agus is é an príomh-shlí do dhaoine a bhfuil suim acu dul isteach sa tseirbhís phoiblí.3. Cén cineál poist atá agaibh?
Tá poist éagsúla ar fáil do dhaoine a chríochnaigh an scoil, daoine a bhfuil an Ard-Teistiméireacht acu, céimithe ó choláiste a bhfuil taithí agus spéis ag leibhéil dhifriúla acu. Tá muid cinnte go bhfaighidh muid ceann a oirfidh duit! Féach ar Mol Eolais chun tuilleadh eolais a fháil.4. An bhfuil poist pháirtaimseartha agaibh?
Poist lánaimseartha is mó atá againn; uaireanta áfach déanaimid earcaíocht do róil pháirtaimseartha fosta. Tá cáil ar an Státseirbhís as socruithe oibre solúbtha a chur ar fáil.5. An bhfuil gach post oifige agaibh leadránach?
Lá eile b’fhéidir go dtaitneodh an leathanach Fíor agus Bréagach leat. Maidir le do cheist ... níl, níl gach post againn lonnaithe san oifig agus is cinnte nach bhfuil siad leadránach! Cén greann atá ann? D’fhéadfá a bheith ag obair i bpost mar innealtóir nó mar thréidlia!6. Níl a fhios agam fós ar mhaith liom dul ar choláiste. An dteastaíonn uaim céim a bheith agam sula ndéanaim iarratas ar phost?
Ní theastaíonn ar chor ar bith. Tá deiseanna éagsúla ar fáil do dhaoine a chríochnaigh sa scoil, do chéimithe agus d’oibrithe gairmiúla.Is féidir leat do scileanna pearsanta a chur chun cinn ar bhealaí éagsúla, agus an deis a bheith agat do scileanna agus tú féin a fhorbairt go gairmiúil trí chláir oiliúna den scoth, trí mheantóireacht agus trí chórais tacaíochta, tionscnaimh oiliúna inmheánacha agus roinnt mhaith eile.
7. Tá míchumas agam. An féidir liom iarratas a dhéanamh fós?
Is féidir. Fostóir comhdheiseanna is ea an tSeirbhís um Cheapacháin Phoiblí rud a chiallaíonn nach ndéanaimid idirdhealú atá bunaithe ar chine, dath, creideamh, bunús náisiúnta, gnéas, míchumas fisiceach nó intinne nó aois. Geallaimid daoine a bhfuil cúlra difriúla acu a earcú agus cabhraímid le daoine a bhfuil riachtanais sa bhreis acu le linn roghnaithe agus i gcinntiú go socraíonn siad go socair i bhfórsa oibre na seirbhíse poiblí.Más mian leat aon ghné d’iarratas nó de phróiseas a bhfuil baint agat leis a phlé, déan teagmháil lenár nOifigeach Rochtana:: Oifigeach Rochtana,
Oifigeach Rochtana, Amanda Kavanagh
Ríomhphost: Tá an seoladh ríomhphoist seo á chosaint ó róbait thurscair. Tá ort JavaScript a chumasú le hamharc air.,
Teileafón: (01) 8587655.